Home
RETOUR 
Auguste Poj Huab Tais tus nyob siab, koj yog Ntuj tsim teb raug tau txais txiaj ntsim ntawm Tswv Ntuj ntoo moo lug tus muaj hwj huam tas nro los tsuj tus nab rau hauv koj xib taws, peb thov koj xa koj cov tub txib Ntshiab nyob saum ntuj tuaj pab peb cov neeg txhaum tseem nyob ntiaj teb no kom peb dim ntawm txoj kev tuag.
Maiv Tooj on Thu 28 Jan - 19:51" Yog kuv li yaj, txawj mloog kuv li suab.
Tsis yog kuv li yaj,
kuv hu npaum li cas nws kuj tsis txawj mloog."
Txij no hais los, ib pab neeg mloog peb cav.
Ib txhia qhuas nws cov lus ntxim nws siab.
Ib txhia thuam peb tej lus ntsim nws plawv.
Peb yuav xaiv ib pab neeg ntxim peb siab,
ib txwm tssi txawj xaib tau thiab.
Peb yuav xaiv lub teb chaws ywj pheej,
ib txwm kuj xaiv tsis tsheej.
Tsoob Kuj Vaim Kuj peb txhob tham,
Suav teb Nplog teb kuj ib yam.
Xav dim ntiaj teb txoj kev khwv,
tsuas yog dhau peb sim neej cuag peb tus Tswv.
Peb tus Tswv yog tus tsim ntiaj teb,
raws li kev cai nws yeej hlub peb.
Ncaim nws txoj kab mus kev yuam
nrag qab, raug nws nplua, tuaj raug nws thuam.
Tsis yog nws tsis mob siab neeg,
vim nws lub moo zoo koj tsis ntseeg.
Yes Xus Moo Zoo yog Ntuj lus,
tsis yog koj tus thiab kuv tus.
Peb muab Ntuj lus cav rau nej,
leej twg thuam peb, peb tsis quav ntsej.
Peb raug luag thuam tuaj raug luag ntxub,
peb tseem yog Tswv Ntuj zoo kiv thiab zoo tub.
Ib pab neeg siab ua ob lub yam,
pab uas ntseeg peb, peb kuj nrog tham.
Tsoom tuv tshaj Ntuj lus nyob Suav teb kev nyuaj ntau ua ntau,
tab sis Tswv Ntuj txhab zog mud nyog dhau.
Vim tshaj Ntuj lus kuv nyob dua loj faj (nkuaj),
cia luag tsim kuj ceeb laj.
Vim yus hauj lwm ua tsis tiav,
Tswv Ntuj kuj tso yug ciaj ntsais muag pliav.
Hnub no tseem nyob hauv Tsev plej tuaj xyuas nej,
vam tias yuav tau sib pab sib txhawb lawm yav tom ntej.
Txawm tias ntuj deb kev ncuas ntev tus tsis pom tus,
kuj paub tias sawv daws tshawb nrhiav tau li twb ib txoj kev mus.
Tus sau:
XH. Thoj Zam
zos Kwj Deg Txiag. Suav teb.
Xov xwm: Tseb Nplej, tsab 1 xyoo 2001
» Saib Video T.P Nyiaj Pov thaum nws tseem muaj txoj sia nrog peb nyob Fab Kis Teb ( Niam ntawm no saib txuas ntxiv )
» COJ KOJ LUB TEEB MUS CI RAU LUB NTIAJ TEB
» E_mails Ncig ntuj sib Fim Tswv Ntuj
» Medjugorje
» Maypajlug cov nkauj yeeb yaj kiab
» Niam Mab Liab Tshwm Sim nyob Fatima
» Cov phooj ywg tuaj tshiab